يا ناس الجريف عووووك ..الحقوا الجريف بتغرق

استعرض الموضوع السابق استعرض الموضوع التالي اذهب الى الأسفل

يا ناس الجريف عووووك ..الحقوا الجريف بتغرق

مُساهمة  سامي علي ابراهيم في الثلاثاء يوليو 10, 2012 5:15 pm


قف قف قف قف قف :الجريف غرب الجريف غرب وما ادراك ما الجريف غرب كم انا فخور بانى انتمى لهذة المنطقة العريقة الاصيلة التاريخية كم كنت اتمنى بان اكون شاعرا او اديب لكى اتراشق واترنح بالقصايد والتعبيرات الجميلة لجريفى الحبيب ومن هنا احى الشاعر الهرم الصادق الياس باروع قصايده (الجريف واللوبيا ) ويا ريت كل شخص يتامل في هذة القصيدة وسوف يجد نفس سابح في بحور من الدموع حبا للجريف والسواقى والرمال .
الجريف جغرافيا اكبر منطقة في الخرطوم ويا ريت اي شخص يطلع ويقرا للاستاذ محمد الشيخ ادريس الذي ينتمي لهذة المنطقة-القلعة-كتابه متوفر فى اى مكتبة اسمة (تاريخ الجريف ) برغم حب الجرافة للجريف غرب الشديد لكن دعونى اقول يا اهلى الجرافة عوووك عووووك عووووك الحقوا الجريف.. الجريف بدات فى العد التنازلى الجريف خلاص فى منعطف خطير ونحنا بنتفرج الجريف سميت الرياض !! ونحنا بنتفرج الجريف سميت الطائف!! ولكم ان تتخيلوا انه لا توجد اطلاقا شهادة بحث فى سجلات جمهورية السودان باسم الطائف!! يا ابو مروة يا ابو مروة عوووووك عووووك عوووووك عووووك يا ناس الجريف ..لمتين حقنا ضائع ؟ مثلا قسم الرياض الواقع جوووووه الجريف فى الحارة الاولى (رقيعة) وانتو عارفين يعنى شنو رقيعة يا ناس الجريف يعنى اترقع فيها جيش المهدى وده تاريخ ما قابل للتزييف ...قسم الرياض الواقع جغرافيا في الجريف مسمنو قسم الرياض!! يا سلام؟ ليييييه ؟ مالو اسم الجريف؟ ليه ما يكون اسمه قسم شرطة الجريف! ولا كده بكون اسم غير لائق (وما سياحي)؟؟؟
عووووووك عوووووووك عووووووك عووووووك يا الجرافة..حتى ناس الكهرباء كاتبين في لافتتهم (مكتب الطايف قبل الجريف ) بالله مش حاجة مستفزة؟عووووووك عوووووك عووووووك عووووووك عوووووك عووووك حصلوا اسم الجريف خلاااااص قرب يتلاشي ...اديكم حاجة تانية اخطر ...جوه الجريف ترسوا السواقى والمزارع الفي مربع 85-84-81 وقالوا دى المعمورة ما الجريف!!!عوووووك عووووووك عوووووووك عوووووك عووووووك والف عووووك ..ثكلي يا ابومروه.. الحقوا الحقوا الحقوا الحقوا ترس جدنا ابوزيد يا الجرافة ... جنوب الخامسة وغرب السادسة الباب مقاصد الباب سموها مربع 78-79 والارقام دى جميلة وما عندنا تحفظ عليها لكن قاموا سموها شنو؟ سموها الفردوس شرق يا الجرافة !!مدارس طحنون الثانوية بالجريف الليلة بقت الفردوس شرق؟؟؟
نحن يا اخوانا فخورين بجريفنا ده ومتصالحين معاه وما عندنا هوس ومرض انا ساكن الطائف ولا بيتى في الرياض ولا الفردوس شرق ...الداير المسميات دي يحولها في سجلات السودان لكن هنا نحن اسمنا الجرييييييييييييييييييييف..الج​ريف يا اخوانا .

سامي علي ابراهيم
جرافي جديد

عدد المساهمات : 1
تاريخ التسجيل : 10/07/2012

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى