الحارة السادسة فرع اسمرة

الاخوة الافاضل.
المتتبع للمظهر العام للشارع بالحارة السادسة يلفت نظره الانتشار الواسع والغزير جدا للاحباش فى طرقات الحارة السادسة وهم فى ازدياد دائم .
وعند عقد مقارنة بسيطة بينهم وبين السودانين اهلنا الموجودون من مئات السنيين نجد انفسنا لاجئون فى بلدنا .
فاذا كان سكان الحارة السادسة 50 الف نسمة فيهم حوالى 30 الف حبشى.

نتحلا منهم كيف يا اخوان

وينك اخي ناصر موسى شنو الغيبة الطويلة دي انا من بدري شايف اسمك لكن ما قاعد تكتب, وشنو حكاية الحبش ديل رجعوا من جديد ولا شنو, لكن صدقني هم احسن كتير من جنسيات تانية, انا حا اخلص انشاء الله من سوريا شهر اغسطس بإذن الله, اخبارك شنو
ارجو ان توصل عنوان المنتدى لبقية الاصحاب والاهل حتى يتم التواصل بين اهلنا الطيبين بجميع المدن السودانية والخارجية

والله الحبش مشكلة وموش بس في الحارة السادسة بس كل الجريف بقى مليان حبش ولوما مصدق تعال ماشي بعد العصر علي سوق الشيطة والقراجيج وفريق الحاج شئ محلات شيشة وجبنة الشغلانة لمن بقت عويرة خلاص والله مافي بت بلد بقت قادرة تتطلع بعد المغرب من كترة الجماعة ديل وما تقدر تمشي ليها دكان تشتري حاجة .

لك التحية اخي علي المساهمة الموضوعية

الاخ العزيز محمد السر
اولا الشوق بحر بس مشاغل الدنيا .. كيف اخبارك واحبار العيال انشاء الله تكونوا تمام .والوصية تصل انشاءالله
اما الانقطاعة من المنتدى بس داير اقعد مع المشرفين عشان نتطور المنتدى من شكلو الحالى لانو بالجد الوضع الحالى للمنتدى لا يشرف الجريف.

اما الاحباش يا محمد فقد تضاعفت اعدادهم بصورة خيالية الالاف المرات بس تمرق من البيت غير الحبش ما بتشوف ناس

الاخ ابوبكر ودالجريف

سلام والناس ديل يفكنا منهم الله بس

سلام يا شباب انا كنت بالصدفه ببحث في النت ولقيت المنتدى وإتكيفت شديد
وانا مع راي ناصر حقو نطور المنتدى
وفي الاخير تقبلوا تحياتي

الاخ ملهم عبدالله .
الافكار الجميلة موجودة ولكن الامكانيات المتاحة تكفى لهذا الوضع وانشاء الله سوف تراه باجمل صورة قريبا

موضوع الاحباش مش الحارة السادسة بتعاني منه ولاكن كل الجريف بحلالة السبة بعاني من هذا الموضوع لاكن
المشكل اصحاب المنازل الما بسكنو الا الحبش والارترين لانة المنزل الواحد تجد فيه اكثرمن اسرة وكمان عزابة
داخل الاسر وكلهم يكونو في حمام واحد ورائحة المنرل الله لايوريك
يعني المشكلة في اصحاب المنازل عاوزين يغنوا في الايجارات
عبد الرحمن احمد يس

الاخ ود يس
الحالة الاقتصادية والفكرة العامة للاستثمار تتجة الى ايجار المنازل الى الاحباش للقيمة المدفوعة وسهولة اخراجهم من المنزل

السلام عليكم انا واحد من سكان الجريف الحارة السادسة لاكن يا ناصر الموضوع دا النقاش البيدور حوله انا شايفو غير صحيح
حاتقول لى ليه لانو انحنا الجرافه على وجه الخصوص قلبن طيب وما بنعرف نعادى اى جنس مهما كانت الاسباب والدوافع لاكن زي ما انت عارف
السكان الاصليين للجريف قد رحلو الى مربع اربعه وثمنين والمنازل التى كانو يسكنون فيها قد اصبحة فارقه يعملو فى رايك شنو
وبعدبن انحنا لوسكن غير الحبش انت عارف الحايحصل انتو لو شباب صاح الكلام دا ما بجيب فايده لازم تعملو خطوه للامام