الجريف واللوبيا للشاعر الرائع الصادق الياس

الدماسي الإثنين ديسمبر 14, 2009 7:02 pm

الجريف واللوبيا
عندى شوق لى نيلنا
والاهل والطيبة
الجريف واللوبيا
وباقى ذكرى حبيبة
غشة الصفصاف
القايمة عاملة زريبة
هو المغطى القيف
فوقه روعة عجيبة
ياسواقى بلدنا
وينو صوتك مالو
وينو قارع مويتك
غنى باسم حالــــــــــــــــو
وين غسيل النيل
و شر هدومو فى رمالو
وينو ماضى الحله
وين ومين الشالو
كان زمان ندلى
لما كنا صغار
من فريع لى فريع
نقطع الاثمار
كان بحرنا نعومو
ناس كبار و صغار
فينا طيبة القرية
ومافى كان اسرار
وينو صوت الساقية
الكان يشق الليل
وين نخيلنا الرامى
الظلال فى النيل
وين وين دفيقا
الكنا منه مشيل
وين جداول الموية
الجارية زى السيل
يا بحر حلتنا
فى رمالك ذكرى
لابتشيل الموجه
ولا بتفارق الفكــره